عاشقة التدمير ... :::

[عبدالله الغامدي]

،
،
،
،

هلا باللّي تكدّر خاطري من كثر غيباته
عليّ ابخل من البخل .. وعليّ أكثرمن التقصير

عشقت البخل من بخله عليّ بقل شوفاته
لأنه صار من طبعه.. وطبعه له عليّ تأثير

تعبت امشي على كيفه واعيش بقرب مشهاته
تعبت ادوّره من لهفتي بين البشر تدوير

تعبت انطق حروف اسمه واردد عباراته
تعبت اساير اعذاره معي بالصدق والتزوير

غلط مره.. وهو دايم معي ياااااكثر غلطاته
غلط واعطاني من قلبه ساعة غلا وتقدير

اقول احيان ليه اغليه؟ وليه اعشق مداراته؟
وأرجع أعشقه أكثر وادور للجفا تبرير

يكفي لابغيت ازعل عليه اتذكر صفاته
صفاتٍ لو يناظرها ابن الملوح خانه التعبير

يعاف يشوف ليلى وبعدها يغير قناعاته
وش ليلى؟ ووش عبله؟ حلا ماله أبد تفسير

ابعرف بس شي واحد .. متى تتحرك آهاته
اكيد انه جمع .. زين البنات .. وعشق للتدمير
ابونوره