أقسى شعور..

[فرحان الصعب]

.
.
.

اقسى شعور يواجه الانسان
لا ضاق صدر الكون عن همه
شعوره بلحظة قسى..الحرمان
شعور ..من يفقد.. حنان امه
يهيم في دربه .. يبي احسان
وينثر ..شعور.. الفقْد..ويلمه
ويدّور اشباهه..على الجدران
ويكتب لهم..أبيات ..من دمه
ويرسم له وللتايهين احضان
ويدوّر اقرب حضن ويضمه
هذا عذاب.. الشاعر ..الغرقان
يا اللي تعادي الجرح وتذمه
يسقي البشر عينه وهو ضميان ..
ويمثّل الضحكه.. على فمّه
ما كانت دموعه.. تبي برهان
يكفيه.. من همه .. ومن غمه..
لو ما شهد له طارف الاحزان
يشهد على حزنه طرف كمه.. !!