أقـنعـة ذات روج.!!

[عبدالله العتيبي]

حلـفـت اذا كتبت الشعـر والله لأكتبـه
مـن قلـب ولا ياعـسانـي مــا كتـبـت


وإن لاعـبونـي بيـن سهـلة وأصعـبـه
لـعبــة ســهـلٍ مـمــتــنـع اذا لـعــبـت


أكـب كـأس الشعـر وارجـع وأشـربـه
وأنسى بسكرات الـجزالة ما شربت


مــدمـن قصــيـد ولا أصب إلا أعـذبــه
إبيـور والمصـدر أسـاسـي لا رغـبـت


منهـو يقـول أن أعـذب الشعـر أكـذبـه
يكـذب انا بصـدق المـشاعـر ماكذبـت


صـادق وشعـري ماتـذوق إلا أطيـبـه
ولاني بحطب الليل لا مني حـطـبـت


نـهـــــر القوافي مـذهـبي مـن مذهـبه
والطرق طـرقي لا طرق لي وأنطربت


خلك معي تـسمع من الوصـف أغربه!
وحـالـة وجــــوه غـايـرة في روج كـبـت


بـعــض الأوادم نصـفه الغــبي أغـلـبه
مايدري اني فـوق مـهـرة قـد ركـبـت!


عـمري قـضـيـته في خـلاصـة تجـربـة
لـكل سـاقـط لاقـط و كـاهـن وجــبـت!


والأقـنـعـة لــوجـــيـه أصــلاً مُــتعــبـه!
ماعمر قال الزيـف مـن وجـهه كسبت


مـن تلـدغـه عـقـرب يـخــاف الـعـقـربة
والعـافيـة لـو تـذهب بلحـظـة ذهــبـت


واللي كـسر جـذع الكـرب يـبي كربــه!
وأبن الـردي يـطـلع ردي لـو فيـه طبـت


الثـعـلـبـي رأســه لـمـوس الـثعـلـبـة!
والأطلـسـي دفـعـه رباعي لا نـشـبـت


ســافـر مــع الطـيـب وكـوبـان إحجـبـه
أركـب مـع الـمـطــنـوخ لا مـنـك ركبــت


التِـبـر مــا يخـفـيـة شـــكــل الأتـربــة
الاصـــل ثابـت والثـمـن بــه لا طلـبـت