إنتي
.........."أنا" ,
و "أنا" أعشقك
إنتي الدفا والموت !
يعني إذا رحتي "أنا" بأموووت من بردي ..
هذا كلامه لي "أنا" من قبل يفوت الفوت !
من قبل أعيشه وأسكنه وأصير أنا ضدي !
من قبل أصدّق كذبته وأعيش في تابوت !
و أسيّده قلب العنا وأرخي معه حدّي ّ,,
ماقلت لي تبقى معي نحضن بعضنا بـ كوت !
ياكيف تتركني بـ خلا وتعيش من بعدي !
ماقلت لي وحدي أنا وباقي النسا بتموت .
حولك كثير من النسا / وبقيت أنا لوحدي !
أعاتبك / وأشره عليك / وأرد لك هالصوت !
توبه أعانق ناظرك و أجزم على صدي .
لكنّي أرجع مذنبه أنطر تهلّ بـ سكوت ..
أرقب خيالك وألحقه / أشدّه بيدي !!
أكرهك لأني فيك ياما قد كتبت بيوت ..
ومافادني شعري ولا قد فادني سردي !
أكرهك لأنه بالصدر حبك علن منحوت !
يفضح شعورٍ عاطفي ما تستره يدّي
أكرهك لأنْك أوهمتني " عند الفراق تموت "
ما مت لكنّي أنآ " بأمووووت من بردي "
.. المعذره على القصور
هند الشهري .
آخر المشاركات
10-10-2013, 03:20 AM
أموووت من بردي
العرض الشجري