من الاعماق..

[فرحان الصعب]

صباح الخير يا سادة..


يا خــوي الامس لو تشتــاق..
منكوي قلبــي من الصـدّه..
الرجل من خطوتي لا ضاق..
مــا أجيـــه وْلا خطـب ودّه..
حبنا صافي.. من الاعمـاق..
ونشري الرفقـات.. ونوده..
وان غدرنا صاحبٍ.. بــواق..
نتركــه ..بالــدرب ..ونهـدّه..
وكانها بالشعر يا.. حــدّاق..
مع وفير الصيد.. ما عـــدّه..
الشِعـر مبطـي علينـــا..لاق ..
وكــلٍ ثيابـــــه.. على قــده..
نجمنــا لو هو خفـت.. براق..
فعلنــا.. يكفيـــه.. ويســده ..
الشعر نزرع عليه.. امــواق..
ونطبع شفانا.. علـى خــده..
ونبني لامجاده قمم وآفاق..
ونفــزع ..لغاديــه.. ونــرده..
ما لفهنا بالهوى.. خفـاق..
عن عطا المحتاج .. والـمده..
وان لقعـنا.. بالملا.. نهاق..
نشلقه.. بالسيف ..ونقــده..
نقتلع قلبه.. من المعـــلاق..
وطيرنا.. معروف..بالهــده..
والوجيه ان ساقه السـواق..
واصبحت بالضيم مسوده..
يسقط الهافي مع الهــلاق..
وتطلع الشلقان.. بالشــده..