للطين ذكرى وللسنين الرياحيين
أجمل عبارات الغلا والمودة
قبل البياجر واقتلاب الموازين
من المستحيل انّا نسافر لجدة
كنا على ما قيل شله بزارين
ساعة فرحنا نلتقيها بحدّة
وبين البيوت الساكنه والبساتين
نشوت كورة (صب)1 ثمِ نردة
كانت ثقيلة مايعرفونه الحين
واللون بيج بدون إبرة وسدة
واذا اقبل المغرب وشفنا المصلين
لله نخشع بكم ركعه وسجدة
وللمدرسة ف الصبح نمشي وعجلين
اسنين حلوه بكل هزله وجدة
كان الفطور من الوزارة كراتين
كنا نتفسح يوم خالد وعهدة
ايام ماظني ترى مثلها العين
يازين فيها الحر ويازين بردة
الشوق والتحنان للماضي البين
يمدّني في كل جزرة ومدة
ياليتني ما زلت في بيتنا الطين
واذا امطرت ذيك المرازيب اعدة
1 : هي كورة في عام 1389 تجدونها في المرفقات