فمان الله يا (نوره) .

[بندر الخزمري]

قد تكون نوره .. وقد لا تكون !!






كبرنا حيييل يا ( نوره ) .. كبرنا وانتهى المشوار
كبرنا وانتهت قصة غرامٍ ما فهمناها


تغيّر كل شي فينا .. وشابت فـ الصدور اسرار
وذابت فـ العروق اللحظه اللي ما رويناها


نسيت انام هـ الليله .. نسيت اطفّي الانوار
نسيت احلم نسيت اشيا من اول ما نسيناها


حقيقه عمرنا هذا هزمنا .. والزمن دوار
بعد ما كانت الدنيا بـ يدينا ما لقيناها


تنامت (ليه ؟) في صدري .. تنامى داخلي محتار ..
.. سؤال ابلا اجابه .. لو وجدناها .. فقدناها !!


تنامى داخلي معنى يحاول يبتسم باْصرار
يدور في غيابك ذكرياتٍ مات معناها


هنا كانت لنا ذكرى .. هنا ذكرى .. هنا تذكار
هناك (ا) حروف تاهت من يدينا ما قريناها


هنا صبح (الثلاثا) ما بقى بين القلوب اسوار
زرعنا كل لحظات الغرام .. ولا قطفناها


بقينا هكذا .. حتى تلاشى حبنا وانهار
تلاشت بسمه المعنى .. وبيدينا محيناها

وبيدينا خسرنا بعضنا او شاءت الاقدار
تكون اسماءنا بين الورود ولا قطفناها


فمان الله يا (نوره) .. فمان الحب والاعذار
فمان اللحظه اللي من جهلنا ما رويناها


فمان آخر شعورٍ ينثركِ فوق الغيوم اشعار
فمان القصه اللي ما فهمنا كيف عشناها