(1)
حزين جدا وانا جدا من اول حزين
ياليت ابلقى لحزني في اللغة تورية..!
.
.
لوكان عبدالمعين يفيد عبدالمعين
مقتول ..ماينجد المقتول ياسورية..!
(2)
مات مذكور والا مات مغمور
والله ان الممات يشق صدري
.
.
كلما تندفن قطعة من النور
يعني ان الظلام يحل بدري..!
(3)
طار من قلبي يمام العاشق
بس ماطار اليمام ..لــ حاله
..
.
أقسم برب السما والطارق
ان فيني من غيابك حالة..!
(4)
مادام مرمرك الحنين وجيت ياريحة هلي
الله يبارك بالحنين وقاتل الله الغياب
.
.
تعال في موعد خيالي..دام مافينا خلي
انا بجي مثل المطر انته تجي مثل الضباب..!
(5)
لاتروح الله يرحم والديك انطرني
كان ساءك صمتي آنا عاد صمتي: صوتي
.
.
هو حضورك من زرع فيني الكبر وابطرني
والا انا في غيبتك ماني ملاقي قوتي..!
(6)
آنا مانيب عادي يازمن ياعادي
بس وضعي بديت اتقبله واعتاده
.
.
كلما شفت حاجة في عيون اولادي
ينكسر داخل اعماقي رجل ..كالعادة..!
(7)
والله اني مت فيه ولامماتي كفّى
أعتبره انسان فارق يعتبرني..عادي..!
.
.
قلت ياااخي بستغلك قبل ماتتوفّى
قال لي وش مستفيد وقلت له..ميلادي..!
(8)
عطني ورق شامي وعلمني آلف
الكيف قوت الجايعين المعاطيش
.
.
دامك تعلمت انك تدور وتلف
ابقتل احساسي عشان اقدر اعيش..!
(9)
ادعس انسانيتي واطرحني ارضا واوطني
ماانت ربي بس رب النفط والما والرغيف
.
.
موطني ياموطني ياموطني ياموطني
والله انك ياوطن جرثومة الدين الحنيف..!
(10)
انتي خطيرة ونغزاتك خطيرة
حتى تهانيك غير عن التهاني
.
.
ذكرني اسلوبك بدرع الجزيرة
يفزع لجاره ويقصد شي ثاني..!
.
.
اسمحوني ع الإطالة