اشكر الدائرة تسعة عشر

[عقيل المنيس]

اخواني جميع منتسبي ابعاد ادبية اسف لهذا الانفطاع الطويل عنكم وذلك لظروف الانتخابات البرلمانبة بالكويت فارجو من الجميع المعذرة وعزاي بالابتعاد عنكم هو ان الله وفق كل الاشخاص الذين اجتهدت بدعمهم فقد وفقهم الله وهم خضير عقلا العنزي ومحمد خليفه الشمري بدائرة الجهراء الجديدة وهذا ليس نقصا من قدر منافسيهم ولكن المطلوب من الدائره اثنين والباقين سوف يبقون اخوان لهم اعزاء واتمنى لهم التوفيق بحياتهم ، ولكن الناس قناعات وانا كنت من المناصرين لمحمد وخضير بدون التقليل من قدر منافسيهم كما اسلفت . واحب ان اقدم لكم هذه القصيدة التي قلتها بعد ان وفق الله خضير العنزي بالحصول على ثقة اهالي الدائرة التاسعة عشر وهي مباركه له وشكر لاهل الدائره على حسن الاختيار ( من وجهة نظري ) ومن ثم سوف انزل قصيدتي بالعضو محمد الخليفه 0
ارجو ان تنال استحسانكم .
.................................................. .................................................. ..................................
تهنئه للنائب خضير العنزي

[POEM="font="Simplified Arabic,5,black,bold,normal" bkcolor="transparent" bkimage="./images/backgrounds/14.gif" border="double,4,blue" type=1 line=0 align=center use=ex num="0,black""] الشكر يأهل الدائره تسعة عشر= من طيبكم زدتوا على الأنوار نور
جميعكم ما هو كلام مختصر= الكل له موقف وله راي وحضور
شكرا على الفزعه على بعد النظر= اخترتوا اطيب صقر من عش الصقور
صقرٍ بعيد الحوم لا منه شهر= ما له مباري يوم هدن الطيور
صقر ٍ يقول الحق وسط المحتضر= يوم اختلاف الراي في بعض الأمور
ما هي دعاية علقوها من شهر= والزرع ما يحصد قبل ستة شهور
والمبتدا دايم يجي قبل الخبر= وخضير قبل اليوم بالطيب مخبور
ياجا مجال الهرج بالمجلس ظهر= قال الحقيقة ما يلف ولا يدور
وإن جاء مجال الفخر له كل الفخر= يفخر بتاريخه على مر العصور
من بكر ابن وايل اليا خلفت بكر= اللي بهذا العصر واللي بالقبور
يشهد لهم بالمرجله بدوو وحضر= هذي شهادة حق ما بالهرج زور
وانا اتكلم في لسان اللي حضر= وعن باقي الغياب يكفون الحضور
جينا نبارك لك على هذا النصر= ونشارك الويلان ونخص الصقور
والكل فايز ما بنا واحد خسر= ومنافسينك كلهم ما من قصور
اليوم صار الفوز باقناع البشر= بالراي والموقف وتجبير الكسور
يقولها لك شمري بالمختصر= حنا اقتنعنا فيك بإحساس وشعور
وان كان جا بالسالفه وجهة نظر= حنا معك فالبر والا بالبحور
من شمري مايل عقاله وانتظر= حتى يبين اللي كتب بين السطور
أبي السموحه سامحوني في سطر= ابي اتفاخر والفخر ما به غرور
أبي أتفاخر يا طويلين العمر= في ربعي اهل المجد و رفاع الجذور
شمر هل التاريخ والبوش العفر= وأهل العهد والفخر وطوال الشبور
والله يعز الدار وولاة الأمر = وتبقى كويت العز بافراح وسرور
وليت الدواير كلها تسعة عشر= إختارت الصقرين من بين الصقور[/POEM]عقيل سعود المنيس الشمري 3/7/2006