ملح الحصاد !

[عفاف الشمري]

مســــآكم شعر ...

الصبـــاح اللــي يــمـــر عيـــوني النجــــلا بدون
مايجـــيب لـ شوق سمعـي صوتـك وبحّـة دفاك


ماشعـــرت بـ نسمـــته يــاكود احســاسً يمون
التحــف مـــابيــن رمشينــي ولــه واثـــره غفاك


اسمـع اشيائــي تكلم لهجــة العشق الحنون
ليـــن فستانـــي وكحلـي لـ اخر احـلامي نفاك


علّـــم العصــيان يسهر ليــل بـ اطــرافه مجون
لاتعكــــر مــــن مزاجــــه فجــر محتـاج لـ صفاك


استلــف موطن خيانـه لاغدى المنفى يصون
كــــل قلـــبً مـــن غيــابك مـارجــا لحظة وفاك


مـــن يقــــول الــدرب لاطــآلت مسافاته يخون
شف قصيدي من رحلت ودافـي شعوره حفاك

يطيـح الغيـم بـ احضــان المواني
مطــــر مـن بارد غيابــه سقاني



زلالً لــــو روى صافــــــــيه دمّي
ذبـــل ورده علـــى جال السواني



يااصدق من سكن هالقلب نبضه
يااخـــر من غفى وسط المحاني



لبسـت من الدلع فستان حرفه
قصيـــــدً صافح الذوق وكساني



اجـــــاوب طيفـــه المشتاق لما
يداعـــب ضحكتي بس لـ ثواني



وارد اصحى على غيابه وغبني
يرتّــــل بارد احســـــاسً طواني



طويلــــه ليلتـــــي حيــل وكئيبه
خذت من دمعي الوافي ضماني



فتــــيـــلً ولّـــــع بـ صبــــري بقايا
هشيــــــم وضاع بـ رياح الاغاني




مابين اشيائـي وروجي وكحلي
ولــــيلً لـ السهــــر طال وشراني



وشــــاعر طـــــاوع غــروره وعيا
يــــرد لـ حضنــي ودافي حناني



عــــلاقــــه او صداقـــــه او اخوّه
ماعـــــاد تهمن اوصاف المعاني



اعــــرف اني احبــــه حيل واني
ادور فــــي ذرا قلبــــــه امـــاني



وارتـــب من شقـــا هالعمر باقه
والفّ شعوري المنهــك عشاني



عظيمـــــة حسّ واشعاري حكايه
مابين الصــــدق واضغاث الاماني



تعلّـــــم مـــــن قراهـا كيف انثى
تحــــب بـ صدق وشعــــورً اناني



تبعثر طيشهــــا لاضــاق عشقً
خنقه العيـــــب بـ صدور المباني

العشق ملح الحصاد اللي روى صدري
غفران يشرب همـــــاج الذنب ويمجّه

نوم العوافـــــي يصبن لـ السهر بدري
لو يعتمـــــرني تعب مااسقـــط الحجّه