انتبهلي

[عبدالله صلال العساف]

ايهالاحبه جميعا اهديكم هذه القصيده ...آملا ان تحوز على اعجابكم

( انتبهلي..)

[poem=font=",6,black,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]

تكفين اعيدي ترجمة هالوهم لي=خطاي ليه مايستره ثوب عذره

نفسي اتغنّيلي على طير ياللي=وطال الحوار اللي ابي منْك سبره

لا قلتله خوذي تقول وشخلّي =ودفتر رصيدك يفضحه اليوم صفره

اكثر من الماجود جاد المهلّي=وخبري تغيّر بال لقت فيْ خبره

عقدة غبانا تستحق التغلّي=امـدلّلتها اعـقـولنا بالـمـبـرّه

كلّ وطبعه وهكذا تورد ابلي=وتجمّع الاضداد فيني يسرّه

امزج من الواقع خيال واسلّي=غيري..واعيد الذاكره الف مره

سليت انا لكن سليت التّسلي =كسر ازدواجيّاتنا صعْب جبره

وتقولّي انته ابكم تلتزملي =وحطّت ع غليون المشاريه جمره

الدبلجه تلغي صفاء التجلي=واتحوّل المعنى على غير جرّه

قالتلي خل الفلسفه وانتبهلي =عقْد اسئلتنا عالصّدور ايتشرّه

ظل ازدواجيّة غبانا انكشفلي=وشعاع شمس الفكر ماطاع فجره

وخلْف المهايط ينزوي بيت مملي=شوف الغبار اوغل ابإخفاء تبره

مابي اتفلسف لكن الوضْع يملي =علي اشرحلك مداهيل فكره

طرت على بالي وحثّيت رجلي=لأبواب قلب مشتهي منْه نظره

لو انتناقض نوصل إلحل فعلي=ان الفكر حياته اعلان نشره

واستطردت في هالسياق وبدتلي=مداهل اكهوف تبي اليوم خبره

ومشيت في هذا الشتات وجمعلي=هالدفتر اشتات ونفاني ابحبره

وذكرْت من وسْط الحشا تستضلّي=بنت احسدتني راحة وسط شبره

ثوب الفراق اللي لبسته لزقلي؟؟=اقفيت مجبور وعوّدت مكره

وشمّلت لو كان الهوى فيك جبلي =مفضوحة عينن تستّر ابعبره [/poem]

عبدالله صلال العساف