مقارنة ساخرة .. عجوز عمياء + شبيهة الثريّــا

[خالد بن منشار]

[poem=font=",6,darkred,normal,normal" bkcolor="transparent" bkimage="" border="none,4," type=2 line=0 align=right use=ex num="0,black""]
طبعنا حنّا قديم ومنتهي = وغيرنا طبعه يواكب للعصر
مير نرميها على ما نشتهي = لا ضبابيّه ورمز ٍ منعصر[/poem]


[poem=font=",6,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياما حلا الطــــــاروق لا من تهيّا = ببيــــــــــــــات جزلاتٍ ثقال وعراضي
على صــــــــــــــباح ٍ فيه دلّة عميّا = عجوزة ٍ تحـــــــــــــــمس بليّا اعتراضي
تزيّن القــــــــــــــــــــــهوه بتيّا وتيّا = والخبز فوق الصــــــــــاج له قلب هاضي
ياحلو عيشتــــــــــــــها وذاك المحيّا = رغم العــــــــــــمى قالت لي القلب راضي
هي مبـــــــــــــصره بالقلب لو ما تريّا = من طــــــــــــــــيب نفسٍ زايد الفوح ناضي
وامّا بنات اليـــــــــــــــــوم لا شي وشيّا = تصحى بعيد العــــــــــصر تبغى مقاضي
تحْت ظلال الســــــــــــــــــوق دايم تفيّا = خساير ٍ فيــــــــــــــــــــــها ولا به عياضي
من مهرها مــــــــــــــكوي وزادتك كيّا = وش فايدتها لو بوســــــــــــط الفياضي
ماغير تطلب كلّ ما جيــــــــــــــــت هيّا = هيّاحبيبي دامك اصبــــــــــــحت فاضي
قم وافتح الجيبـــــــــــــــــين يابو محيّا = وابسط ذراعك غصب ذا العمر ماضي
مجبور ترضيها شبيـــــــــــــــــــهة ثريّا = لو كان تتسلّف عشان البيــــــــــــاضي
والاّ احرمت عينك وذقت الاذيّا = وتشوف نجم الظـــــــــهر وتشبّ لاظي[/poem]




[poem=font=",6,darkblue,normal,normal" bkcolor="transparent" bkimage="" border="none,4," type=2 line=0 align=left use=ex num="0,black""]
كلّ مامرّ الزمن ضاع الشباب = تنقص الاعمار نحسبها تزيد
للهرم نرقى ولا نحسب حساب = في كبد نحيا ونتمنّى الجديد
وان وصلنا للهرم صرنا نهاب = من ممات ومن حساب ومن وعيد[/poem]