قـــوت

[علي الحسني]

[poem=font=",6,green,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]

قوت المشاعر يا مداد الروح باقي ما ارتويت = من سلسبيلك يابعد كلي فديتك هات هات
صبي نميرك بردي قلبي ولاقلت اكتفيت = تراني اكذب وامطريني بانسكاباتك فرات
يكفي جفاف الصمت صدري ضاق بالصمت المميت = خليني اغرق فالغرق فيه النجاة من الممات
الما حياه لكل شي وانا على نبعك حييت = زيديني اكثر لارحم من غص من جرعه ومات
ياصوتك العابر بي الآفاق احس اني جنيت = علي يوم اني سمعته طاف بي كل الجهات
ترضين احلق في السما وحدي وربي مانسيت = انتي معي والا بدونك تستحيل الأمنيات
كيف اجتمع في ظلمة الوحده ليا مني بكيت = لوما أشوفك في بريق الدمع لافناني الشتات
ماتذكرين الموعد اللي طال بي حتى ذويت = كان اللقا موسم مطر وقلوبنا بهجة نبات
وجدتك اجمل من خيالاتي وقبل تجين جيت = لكن لولا جيتك يافرحتي ماكان جات
جيتي وعطرك يسبق اطلالتك شفتك واستحيت = العطر منك فيك جيت اوصفك واعيتني الصفات
أي والله إني ضعت توي ماابتديتك وانتهيت = ماكن لك شاعر محنك يستثير المفردات
ماني مصدق كني احلم والأكيد اني صحيت = من ليلتين ارقب قدوم اجمل عيونٍ ناعسات
العذر منك جددي الموعد ولامني غفيت = في حضن ليلك فابشري باللي يغيظ الفاتنات
وإن كان ما حققت لك يا اجمل من اجمل من رأيت = شيٍ يسرك فاشطبيني من حديث الذكريات
[/poem]