بشم الله الرحمن الرحيم
اولا كل الشكر والتقدير ل ابعاد ادبيه على تسجيلي في هذا الصرح الادبي
فهذا شرف كبير لي بان اتعرف على الاقلام الادبيه هنا لعلي انهل من فيض عذبها الذي لاينضب
واعتذر عن التأخير
مصافحه اولى عسى ان ترقى لمستوى ذائقتكم الراقيه
[poem=font=",6,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
جيت امس متعب منهكتك المسافات=ورحلت قبل امسك بليله يتمّي
وناديت لك بس انت مالك بالاصوات=وشعاد لو لك شحت باطراف كمّي
حتى الجبل رد لصدى صوتي اثبات=ضلعً سراب القيض دونه يزمّي
تسمع مناداتي جبال السراوات=والا انت مالديت بالطرف يمّي
لا والله إلا اقفيت باحساب الاموات=وعزاي عنك اقفيت ماسقاك جمّي
وخليتي مابين عاذل وشمّات=وفرّحت بي من كان يفرح بذمّي
وانا الذي من دون ذاتك عن الذّات=اذود واثني واحتميهن بضمّي
ايوالله الا الصدق ماهي دعايات=كم طبت لك ياللي لطيبي تدمّي
ومادام انا عندك همومي قديمات=انكرت ماكنك شريكي بهمّي
صحيح انا قبلك حمولي ثقيلات=بس انت جيت وجبت حمل مطمّي
لاشك دامك منكرا كل مافات=الريح ماهز المنيف الأشمّي
تبي الحقيقه مانت في قلبي آهات=ولاتحسب انك صرت نبضي ودمّي
الصدق يزعل والحقايق صعيبات=والدين سهر العين والغبن سمّي
وكرامتي تكبح جماح الملذّات=عن هايفاتٍ بالهبايب تومّي
[/poem]
غازي عبدالله الرويلي