ياصغيرة !

[فهد الماجدي]

قصيده حرّة
للتواصل مع التحيّه والاحترام



*

*


ياصغيرة
كم حلم ٍ مات
في ليل البنات..!
وكم ليل ٍ عاش في حلم
العذارى ياصغيره..
والبنات المترفات ..
بعضهن نفس الاماني
عاشقات ومفلسات.
مالقن به حد وافي
ولا لقوّ حتى الشباب
الوافيات..
نادر ٍ تلقا وفيّه
والوفا هم حيل نادر
انقرض بعضه
وبعضه باقي ٍ للأنقراض..!!

*

*

ياصغيره
طارت اسراب الحمام .
والسلام وطار طيره
بالزحام..
والبساتين الحزينه
والورود الذابلات..
جفـّ ـن وماتن على
ايدين البساتين
الحزينه..
والفراق اللي
بكت به الف جادل
والعشيق اللي ضحك
بعد الفراق..!


*

*


مابكاني غير طفل ٍ
حايرن مابين اب
وبين ام..
ذا يغنيله تعال!
وذي تغنيله تعال..!
عاش عمره مرّ
كله..
وكل مايكبرمعاه
الهم طال ..
لين من صغره
عرف سود الليالي..
والليالي تعّشق
المهموم
في جوف الليال..
ياصغيره كم طفل ٍ
مالقا له حظن
دافي به يبات..
عايش ٍ مقهور
وايامه شتات..
ياصغيره والندم ليته
يعيد .؟
ايامكم
ذيك الجميله ياصغيرة..!!


,,