[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
مانيب شاعر لكن الشوق بلواي= اكتب وانا في كفوف الايام مقتول
صار القلم يعشق تعابير معناي= حتى ولو كان الفكر فيه مشغول
اكتب من افكاري عناوين ملجاي= داخل كيانك اسئل القلب واقول
حرفي تمرد والورق تايه الراي= وارقب شروق الشمس مع شرقة الزول
واستلهم الفكره من اداب مبداي= وارسم خطوط الوصل والكف مشلول
كانك تبي تفهم تقاسيم مغزاي= مالي هدف عن غاية النفس مجهول
انت الحقيقه في متاهات دنياي= وانت الامل في رسم الاحلام محمول
يوم هديتك كل الاشواق برضاي= وبنيت لك في محجر العين منزول
غيري يبي ياصل مصابيح مسراي= لكن غدى من دهشة النور مذهول
ما طالك اللي يبذل الجهد وياي= مثل السراب في ناظر الغير يا حول
يوم القلب يرقص على نغمة الناي= ونبرات صوتك ترسل الفين مرسول
كان النظر محظور من دون رجواي= مذبول عمري بين الايام مذبول
اما تعال اليوم يا وصفة ادواي= واجمع هنا عمري وعمرك على طول
والا تغيب وتاخذ ايام دنياي= واموت انا في ليل الاقدار مقتول[/poem]
عيسى العنزي