[poem=font="simplified arabic,5,black,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]
لوّ السّعادة تكتنزها الحسايف = مازلّ ؛ من عمر السّعادة ثواني
وش تعطي الونّة لروح المعايف = إلا رمادًا من رفاة الأماني
وحيد ؛ ووجاعي جموع وطوايف = مافيهم اللي " رحمة " ما غزاني
وانا ورى حصن التّحساف خايف = سيفي قصيد وذكريات واغاني
غريب يا شعري مثل مانت شايف = عابر سبيل وضايق بي زماني
مافيه مشبر حزن ماجيت ضايف = " نورس " تنكره البحر والمواني
مالي سواك بهالزمن شي نايف = اللي رحل ؛ واللي بقى لي نساني
كنّي على جرف الخطيئة مهايف = لا الناس ناسٍ لي ولا ذا مكاني
هذا حضوري بينهم شي زايف = حقيقته كنها تماسك كياني
يا ما عطيت ولا رجيت الخلايف = كلً خذا منّي ولا أحدٍ عطاني
وش باقيٍ لي من رماد الولايف = إلا حنين الأرصفة والمباني
[/poem]