ما هو الـ windos movie maker ؟
هو برنامج بسيط جداً و فعال في نفس الوقت لتحرير ملفات الفيديو و دمجها و إضافة التأثيرات ( ولو أنها بسيطة ) عليها و بعدها تصدرها كملف فيدو خاص بك
أين أجد البرنامج؟
http://www.microsoft.com/middleeast/...xp/moviemaker/
البرنامج يأتي بشكل افتراضي مع نظام التشغيل ويندوز . أذهب إلى
ابدأ> برامج > برامج ملحقة و ستجده في الأسفل
Start > All Programs > Accessories
واجهة البرنامج
1- هنا ستجد مقاطع ملف الفيديو الأصلي
2- مشغل الفيديو و هو اللي يوضح لك التغييرات اللي أجريتها على الملف الأصلي
3- شريط الوقت و مشاهد الفيديو وهو اللي تشتغل عليه اغلب الوقت
4- القائمة الرئيسية للبرنامج وهي معروفه للجميع
كيف تجلب ملف الفيديو الأصلي ؟
من القائمة الرئيسية اختر File بعدها اختر Import into collection
و بيجيك مستعرض ابحث في جهازك عن الملف اللي تبيه و بيحطه لك في المنطقة رقم 1 اللي في الصورة الأولى
الآن نقوم بالتأشير على الملف كما في الصورة و نسحبه إلى شريط الوقت أو المنطقة رقم 3 في الصورة الأولى
الآن سنقوم بشرح إعدادات هذه المنطقة لكي يسهل علينا التعامل مع المقاطع و تحريرها . لاحظ الصورة
أولاً نقوم بالضغط على الزر Show storyboard وهو الموضح في الصورة بالسهم العريض. وظيفته يعطيك عرض أفضل للمقاطع و بالثواني وين يبدأ و ينتهي المقطع المحدد
تلاحظ انه صار عندك ثلاث طبقات
Video وهو الطبقة اللي فيها مشاهد الفيديو الصوت والصورة و تقدر تعرف الفرق إذا ضغطت على زر إل + المجاورة لها
Audio/music هي الطبقة اللي تقدر تحط فيها ملفاتك الصوتية اللي تضيفها أنت و تبي تسمعها مع الفيديو ممكن تكون بصوتك وممكن تكون إي ملف صوت ثاني
Title overlay وهو الخاص بالعناوين . و تقدر تضيف العناوين عن طريق Tools و بعدين Titels و تكتب فيها أي شي تبيه و عند العرض تطلع في مشغل الفيديو الكلمات اللي كتبتها
اللي يهمنا الآن Video و Audio/music
استخدم العدسة اللي بالنص للتكبير و التصغير و كل ما كبرت كل ما صارت دقيق أكثر في التعامل مع المشاهد
زر المايكروفون وظيفته إذا بغيت تدرج صوتك الخاص في ملف الفيديو
الزر الأخير هو الزر اللي يعطيك التحكم بمصدر الصوت اذا تبي الصوت يكون من طبقه الصوت الخاصة بالفيديو Video
أو تبيه من طبقه Audio/music لحالها أو تقدر تدمجهم مع بعض
شوف الصورة
إذا الإعداد مثل ما هو واضح بيكون الصوت فقط اللي موجود مع ملف الفيديو الأصلي
أما إذا كان مثل الصورة هذي
بيكون فقط من الطبقة Audio/music
الآن لنلغي صوت ملف الفيديو الأصلي و نترك مصدر الصوت مثل ماهو واضح
و لو لاحظت و شغلت الملف ما راح تسمع الصوت لأننا للحين ما وضعنا شي في طبقة Audio/music
>> يتـبع