النقْد الأدبي والمجاملات ..

[فيْصَل الصَقّار]

اذكر مرّه واحد ماعرفه ايام الجاهلية القريبة
عام 2000 تقريباً كان فيه برنامج غرف مايكروسوفت شات عبر النت
ملتقى للناس وكان فيه مساحة كبيرة للشعر

دخل علي - ومن غير مقدمات - ع الويسبر
وهو عبارة عن محادثة ثنائية
فقال لي : عندك شعر ؟
طبعاً يقصد الشعر الادبي
قعدت افكر
شفيه هذا داق على بقّالة
يوم شفته كذا قلت له : لا أصلع
فشكله عصّب وكتب لي :
ياكلب
فكتبت أنا :
عصّب عصّب خلّوه
طبعا الويسبر محادثة كتابية لاثنين فقط
يعني بس انا وهو فلما قلت خلّوه ابلخمه
قال لي : كلكم جبناء
فحسيّت ان الرجال فعلاً انلخم
فأخذ يسب ويشتم ..
شفته كذا حطيته اقنور
اقنور يعني حجب الرسائل
بعدين دخلت إحدى الغرف الشعرية ونسيته
رجعت الويسبر بعد ساعتين تقريباً
وشلت الأقنور لقيته للحين يكتب شتائم
وقصيد سب فيني
وش تسوي في هالعالم


نستنتج من هالقصة الظريفة

النوع الثالث من الردود
ردود ترفع الضغط
ويقابلها ردود سكّر

شطحة :
على طاري السكّر يقولك فيه سُكّر مرّ من قدام شاي ،
قال الشاي للسكّر : ياحلو
رد عليه السُكّر : يامذوّبني

نرجع لموضوعنا
ونستنتج ان
السكر والضغط امراض العصر
فأحيانا كثرة ردود السكاكر تجيب المرض


الناقد وينه !
بعدين نسأل عن النقد ؟


المجاملات آخ من المجاملات ودّت الشعر الشعبي بداهية
نلطف الجو لما نسميها مجاملات والا هي في الحقيقة
شِلل إعلامية لها اهداف سوداوية

يعني معقولة لي عشرين سنة وانا ازلّ الشعر
واشرّبهم فناجيله مالقيت اللي نشر لي
لو كِسْرَة بويت معتّق

أمّا شعر فلان وابوفلان غير
وشعر فلانة غير شِكِل
يعني شلون غير ؟
اقول لكم شلون

فطفوطة وفجأة اكتشفت انها شاعره
وحتى لو مااكتشفت نفسها يجيها من يلمّعها
فـ يقول لها - وبكل أسي - حرام عليك كل هالاحاسيس
اللي فيك وحابستها أنا راح أحرر مشاعرك منك
واخليها تشوف النور
ومن هـ الكلام المعسّل
فمن هنا يبدأ النشر الإعلامي
الكلام المعسّل هذا كمثال فلو مادار بينهم
من خلال نشره للقصيدة الأقل من عادية نعتبره انه دار بينهم

امممممم
هو مهو محصل من وراها شي
بس قاعد خلينا نقول يونّس نفسه
اللي مهو لله يضيع

تلاحظ إنه شعر معفّط اقرب تشبيه له يكون
امممممم
شعر كرتوني

وتأكد أن القارئ الجيد للشعر لايقتنع بهذا الطرح الإعلامي
فيعتبرها فقاعات أدبية


كنا اول نعذر الاعلام الشعبي يوم ماكان
محصور على مجلة ومجلتين
اليوم ممكن واحد يسأل خويه
- وش عندك اليوم ؟
- فيرد عليه ويقول ولاشي
- اجل شف لنا منا والا منا شي ننشره

فـ الاعلام مهنة من لامهنة له
بعض الأقلام تفتقر - أكاديمياً - إلى أدبيات المهنة


اشكر ربي من بداياتي الشعر وعالم النت
مالي في الكلام الخاص والرسائل الخاصة
احب اكون على العام للجميع ماعندي شي أخفيه
من الممنوعات عندي الماسنجر اللهم اشتركت فيه فترة
اقل من شهر على مر حياتي العنكبوتية بغرض دراسة الماجستير
كمثال منتدى أبعاد لي تقريباً فيه اكثر من خمس سنوات
استخدامي للرسائل الخاصة ينعد ع الأصابع
وكلها كانت ردود ومعايدة وعلى هالشكل

الحين احد منكم يفكر أني امر بفترة خطوبة