رجاء
قوم يا حظ الفقير الوقت جاير
طيع شوري مابقى عندي جلاده
لو تشوف اليوم حالي كيف صاير
ماتلوم إلا ..( طريقي والشهاده )
‘‘
ياليتني مسمع وياليت ماشوف
............ .. وياليت عمري ماتبين ضياعه
وش أستفيد اليوم لاصرت معروف
............ .. والبيت لافتحت عيني مجاعه
وش أستفيد أحزان واعيش مكسوف
............ .. بين الوجيه الطيبه والجماعه
لاتسألوني ليه والحال مكشوف
............ .. فقير ماحبيت يوم القناعه
يكفي تمر البيت جيران وضيوف
............ .. والله متأخذ علي الباب ساعه
[ قشرا حياتي ] كلها جملة ظروف
............ .. حتى مع الأقراب صارت قطاعه
خلاص أنا ( مليت مليت ) ياخوف
............ .. بكره تموت أمي و أنا بالوضاعه
يمه تعالي وتركي شغلت الصوف
............ .. ليت الفقر رجال وغسل شراعه
‘‘
أُمنيه
ربي يحقق لي جميع أٌمنياتي
ليه أشتكي والناس ماعندها شي
اللي خلقني هو بيكفل حياتي
وأنا تراي بخير مدامني حي