.
.
السلام عليكم ورحمة الله وبركاته
غياب وعذر منكم ، لـ قلوبكم فـ عسى ان تليق بكم هذه البسيطه !
مالقيتك !
مالقيتك بـس .. يومنـي لقيتـك
________ جيت باحزاني ابـي مركـب نجـاه
واحدٍ لاجيت طاري ثـم : طريتـك
________ حيّر الشعـار ، وعقـول الـرواه
من غيابك وانت خابر وش جنيتـك
________ آدمي مظلوم فـوق أكبـر صفـاه
ودني لك لابغيت احيـا ، وجيتـك
________ والوصّل تكفى معـي جـددّ ولاه !
والله اني من غلات إسمك حييّتـك
________ والشعور إنسان انت امّه وابـاه !
ووالله اني لابغيت اسـري سريتـك
________ ولابغيت الصدق حتـى فالصـلاه !
اذكرك ، واستغفـر الله مانسيتـك
________ عالي قدرك ، ولايٍلحـق مـداه ..!
وإن ذكرت الحيّ وإلا بـاب بيتـك
________ آتحاشى فالصدّر مليـووون آآه !
إن كتبتك في شعـوري ماقريتـك
________ وإن قريتك طرّت للشعـر وسمـاه
وإن شربتك طول عمري ، مارويتك
________ وإن سهيتك جيت في كـل اتجـاه
وفي منامي لابغيت اغفى غفيتـك
________ يالطموح اللي بنى قصـر الحيـاه
والغياب إن جيت في بالـك فديتـك
________ طالبّك قلي ، وش اللي لـك وراه ؟
ويوم جيتك ، وآخر دروبي لقيتـك
________ جيت باحزاني ابي مركـب نجـاه !
وسلامتكم
.
.