(( زهـابي جـرح !!

[صالح المصرب]

مساكم الله بالخير

متواضعه .. اتمنى يتوجها رضاكم وتشفع لي عن غيابي

اللهم صلي وسلم على سيدنا محمد

ياما سهرت اكـتب على صفحتي (( ليت))
ولا سمعت إلا .. صدى صوت--> قـافي
"
فيـني طموح إنســان .. مهمــا تمنيت
منـفاي حلمـي .. وانـت كلـك منــافي
"
من خلف شبّــاك الأمل يــــوم طليت
لقيـت شمعـه .. لـكن النور طــــافي !!
"
وجلسـت اصـافح ضيـقتي ليــن عزيت
مـوت المشـاعر .. من يديـن المجــافي
"
ويـوم أختـلف لوني عن النــاس صدّيت
مابي اوضـّح ضيقتـي واختـــــلافي
"
وطعنـت غيـم الدمع من يــــوم قفيت
لين اغـرقت دمـع العيـون الفيــــافي
"
عـذراً .. أنـا انسـان مايــــوم حبيت
لـوشفـتني بـ ارضـك على الشوك غافي !
"
لـني غلـطــت انـــي بـحبي تماديت
مفروض انـــام بـقد مـدة لـحــافي
"
ياللي بـقلبي عــــن بـــرادك تدفيت
.ضميـتني ليـن اصبــــح البـرد دافي
"
على دفــا (رمــــل المشاعر) تمشيت
وجيـتك على( جمـرة مواصلك) حــافي
"
شـايل زهـــابي جرح .. لـكني اخفيت
والجـرح لـوبخفيـه ماهـو بخــــافي
"
لـكن نسيـت اذكـّـــرك .. لو تناسيت
قبـل أمس .. جرحـي كـان ماهو بـكافي!
"
اكـره كثيـر اشيـــاء .. لـكني اخطيت
والجـرح يـمكن بعض الاوقـات شــافي
"
ماشفـتني لامن تبـــاطيت .. لك جيت ؟
يا جعل كل جـروح صـدري عـــواااافي

اخوكم / صالح المصرب (الكايد)