..|| شرقـة ولـه ||..

[لوعة الشوق]

السلام عليكم ورحمة الله وبركاته

ابتعدت كثيراً عن هذه الزاويه
وها أنا اعود وفي يدي نص اتمنى ان ينال شيئا من استحسانكم ..







مساء النور والنوير وأيام الوله غرقى
مساءك خير كل الخير هذا القلب لو يفداك

.
.

جروح القلب لو تدري من فراقك ، غدت حرقى
نمد العين لمشاهد بشاش الوجه أو رؤياك

.
.

سرقنا من هوى العالم غلاتك ياغلا سرقا
وجينا لك ندوّنها ،، قصيد ٍ شافق ٍ ينخاك

.
.

عن عيون البشر قلي من اللي قالك ترقى ..؟!
حرام تغيب عن قلب ٍ عشق في شوفتك .. ذكراك ..!

.
.

ياليلٍ مايبي غيرك بدر يتربّع الزرقا
يانورٍ شافق ٍ شعشع سما .. سبحان من سواك ..!!

.
.

ينوح القلب من شوقه نياح الباكيه ورقا
تعال وشوف وش سوت جروح القلب ،، من فرقاك ..

.
.

أطرّ بشوفتك نظره ، ياليل الدمع والفرقا
كأن المزن من عيني سقت خد ٍ شكا لاماك ..!

.
.

يمرّ من الهجوس اللي ينوّر بالفكر برقا
عسى مالحزن طاوي له .. عسى ماجلجلت دعواك ..!

.
.

خطاوينا على بابك من اللهفه ، غدت عرقى
حفظني شارعك بيتك ..حفظني الباب والشباك

.
.

أوقّف من عنا شوقي .. دروب الحب والطرقا
وأترك لك بقايا حب .. ينادي من على الافلاك :

.
.

انا لك لو زماني دلّ على الهجران والفرقا
انا لك غيث امطاره على طول العمر ترعاك ..!

.
.

تزور القلب أشواقه ويشرق بالوله شرقا..!
ألا منهو يجمّعنا.! .. تضمّك عيني وتفداك ..!










لكم كل الاحترام
لوعة الشوق