,’
{.. وبعد غياب طويل ..
عوده ومن جديد لـ قلوبكم ..
عجيب أمر الشعور اللي صمت فيني
ـــــــ في داخلي يبوح لو الصمت لحظاته
والشعر صوت وصداه يضج في عيني
ـــــــ نظرات عيني شعر والحبر دمعاته
أنا الأسيرة وسجني داخل سنيني
ـــــــ والحكم طوّل وقاضي طوّل سكاته
تعال لي يابعد روحي ودفيني
ـــــــ يانيل قلبي وشعوري منبع فراته
وهبت لك كلي وكيفك توديني
ـــــــ خل المسا يصدح بأحساس أصواته
كل المواني نوارسها تحاكيني
ـــــــ رمل الشواطي حبيبي هل عبراته
ياغيمة التوق تعشوشب بساتيني
ـــــــ والعشق فيني تشبع أثمر أبياته
الليل عتمه حبيبي وأنت تضويني
ـــــــ الحب قبلة غرام وأنت ميقاته
ياسيد ناسي أنا مابي تواسيني
ـــــــ جيتك وقلبي يون بجرح مأساته ..