ضاقت انفاس الحكي لكن شعرت
امتدادي لـ آخر حدود التعب
كنت انامك في عيونك ماسهرت
صرت امرّك صبح مرهق بالعتب
كنت اقولك كنت احسّك ماذخرت
وكنت اشوفك لي اصدق من محب
خلّك اللي واقف ٍ كل ما نظرت
خل غيرك من وفا عمري يحب
تذكر إنّك جيت عندي وإنكسرت
واذكر إنّك راحتي بليّا سبب
للفضا مدّيت احزان وشكرت
وانت داخل هالفضا امر وطلب
كنت رايح بس مدري وإنتظرت
شفت إنّك ماخذ أوجاعي سحب
قال رايح قلت جيت واستخرت
قلت ابرجع جايز بـ ناسي اشب
كل ظلمه حاصرتني واستدرت
اشعل ايامي واهاتي حطب
يا سوالفنا الحزينه مانكسرت
انسحبت وماجرحني وانسحب
جيت ابكتب ما احسّه ماقدرت
حزني اكثر من كلام ٍ انكتب
آخر المشاركات
06-07-2010, 11:56 PM
مـاقدرت
العرض الشجري