سيف الوقت

[عواد سحل]

[poem=font=",6,black,normal,normal" bkcolor="transparent" bkimage="" border="none,4," type=2 line=1 align=center use=sp num="0,black""]
ياكيف نبني من الأحلام واقعنا = ونتبع سرابٍ نموت ولا وصلنا له
بصدورنا الحزن كم يقلق مهاجعنا = والهم يعزف بوسط القلب مواله
والدمع سايل يخفف من مواجعنا = لو كان ما يسقي الموجوع هماله
والصبح حلمٍ بكف الوهم يصفعنا = لو كان جسّد مرور الوقت تمثاله
والليل موحش يتمتم في مسامعنا = من يأمن الوقت سيف الوقت يغتاله
ومن يحذر الوقت يعرف للزمن معنا = ويذوق حلو الزمان ومر فنجاله
ويشوف شمسٍ ضياها في مرابعنا = تحيي قلوبٍ جرحها الوقت بأفعاله
ويعيش لحظة سلام بعز واقعنا = ويترك سرابٍ نموت ولا وصلنا له
[/poem]