:
:
!
[poem=font="traditional arabic,7,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
بعد القلـــــوب اشــد من بعــــد الاجسـام=مــــادام غصــن الـــــود طـــارت رفـــوفــه
كم شخص ٍ نشوفه من العــــــــام للعــــام=اقرب من اللـــي كـــل يــــوم ٍ نشــــوفـــه
الآدمــي تـــقــــوده ظــــروف واحكـــــام=ومــا كـــل واحــــــد يخــدمـنـّه ظــــروفه
نطرد ورى سرب الامـــــــاني والاحـلام=ويالله عسى بعـــض الامـــــور مخـــلوفــه
لو يكشف الواحــــد صنـــاديق الأيــــام=مــاكـــان خضّب بالأمـــــاني كفـــــوفــه
العـــمـــر يمضي والتجـــارب له حـــزام=والشيـب يضــــــرب للنـــواصي دفــــوفه
كم واحد ٍ غافـل وهو يلبس (إحـــرام)=مــــايدري إحـــرامـــه لمــوتــه (بروفـه)
طــــــــول الأمــــل كفّـــه تلوّح لقــدام=والنفس لمعـــانـــق هـــــواها شغـــوفـــه
والضيـــق يتسلل على روس الاقــــدام=لإحساس من شعـره على اسوار جوفه
ياصدري اصبر وانت في بهوك اقسام=من المواجـــــع غيـــر نفســــك عيـــوفه
لا تنـحني لوكانت عروقـــــك حيــــــام=وعـــذوق (لينة) مــــابذرت مـخـــروفـــه
ضيـــوف قلـبــي (تغــرف) عـــدوده آلآم=وعلى الزمـــــن ياكبـــر شــــرهة ضيــوفه
مابين قـــام الحــــــض والحض ماقـــام=الحـــــزن رتب بالحــنـــــايا صفـــــوفــــه
يحــطبــني (بفــــاسه) ويتـــركنـي حطام=بــاسبـــاب معـــــروفه وغيـــر مـــعــــروفـــه
وانا مــاغــــير اهيــــم واتـشجّـــر هيــــــام=واثــمـــر قــصيــد ٍ يانــعــــات ٍ حــروفــــــه[/poem]
:
.