[poem=font=",5,,bold,normal" bkcolor="transparent" bkimage="" border="double,4," type=1 line=0 align=center use=ex num="0,black""]
لاتساليني وش بقالي من الناس ؟؟ = الناس راحت كلها مع غيابك
بقيت وحدي والمشاعر والاحساس = اقلب الماضي بصفحة كتابك
تركتي فـ "ارض "المتاهه ولابأس = عاذرك .. ويش الفايده من مصابك ؟؟!!
قلق وحيره شك حولي ووسواس = آشم عطرك من بقايا ثيابك
محتاج لك ولله ومحتاج للناس = تعالني حتي ولو جاء سرابك
دقيت ناقوس الخطر بين الاجراس = والروح نادت بالنفس مابقابك
ياصوت عمري حكينا صار محتاس = كل الحنين اللي بكابي مضابك
نخب الحزن كاسه تقارع مع الكاس = اللي شربته من سبايب غيابك !!
ياضيقة العالم ولاحولي انفاس = بعد انقطاعك يانفس من سرابك ؟؟
تركتني مثل الذي صابه افلاس = ياجعل ماقد صابني ،، مايصابك
راحه : وربي فارقت عيني نعاس = ان جيت ابغفى يخترقني شهابك
وارضي حزينه فرحها عانق اليأس = والحظ خصمي كل مادق بابك !!
وهم تساليني وش بقالي من الناس !!= بقيت وحدي مع سوالف غيابك
[/poem]