[poem=font="arial,6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
لاضقت ماعودت عيني على النوح=عودتها تصبر مثل ما أنت شايف
بي ضيقة حايلتها عيت تروح=بين الضماير ساطي الهم طايف
ضيقة نفس منها غدى الصوت مبحوح=مكانها حدب الضلوع النحايف
اليا انكفت طفل من الوجد مذبوح=واليا اقبلت مثل السيوف الرهايف
وأنا اليا جتني حديته على السوح=أجنبه شم الجبال النوايف
أخاف لامن روح الدمع مفضوح=تشمت بي العذال واطي وهايف
عزي لقلب لا أدبح الليل له فوح=يحوف به مع هجعة الليل حايف
بأسباب من صده وسم فيني جروح=لاهو براجيني ولا هو بخايف
ياكثر من قفى وانا اقول مسموح = ماكلهم في وسط قلبي ولايف
ناس مفارقها مثل طلعة الروح=وناس تروح ولا عليها حسايف
[/poem]