[ رَصدٌ لِبَرنَامج شَاعِر المَليوْن ]

[شوق علي]

الهدوء اللي صداه يهز صاله ..
.. .. .. .. .. ..مايهز اللي على السمعه يداري
صاحبي شف صاحبك مشغول باله ..
.. .. .. .. .. ..لاتكلمني لكن أجلس جواري
أبغي أكتب نور وأدخل من خلاله ..
.. .. .. .. .. ..دامني شفت النجوم تنير خاري
كل شاعر تنعرف قوه خياله ..
.. .. .. .. .. ..حين يتلبس صور من شي عاري
أتدثر بالشعر والشعر حاله ..
.. .. .. .. .. .. تعتريني هاجس وضيقه وطاري
أنتشي معها إلى حد الثماله ..
.. .. .. .. .. .. وأفرش الدنيا أمل وأتبع مساري
أبتسم لكن حشى ماني بـ داله ..
.. .. .. .. .. .. كم حضنت الجرح وأخفيت أنكساري
آه من حلم أتبعه ما اصعب مناله ..
.. .. .. .. .. ..صار مثل اللال في جرد الصحاري
مابقى من توصيته الا رساله ..
.. .. .. .. .. .. يرتسم منها على وجهي مواري
برد فقدي مايدفيه اشتعاله ..
.. .. .. .. .. .. كالجسد يبرد لو أن الصدر واري
يسري الليل ويجي صبح بداله ..
.. .. .. .. .. .. ليت بعض الحزن مثل الليل ساري
رغم هذا شفني بخير وسهاله ..
.. .. .. .. .. ..أوصل إحساسي إلى سامع وقاري
صاحبي حتى الشعر يحشم رجاله ..
.. .. .. .. .. .. لحشموه اللي بهم يقدر يماري
إن عطاك الله فكر واسع مجاله ..
.. .. .. .. .. ..كون متفائل من تعزم تباري
لي رسمت الغصن لاتنسى ظلاله ..
.. .. .. .. .. ..أمّل متابعك بأبداعٍ حضاري
افتح ابوابك عدا باب الجهاله ..
.. .. .. .. .. ..خله مخصص لحالات الطواري
يستوي مره تزوره بالهماله ..
.. .. .. .. .. ..يعني تدور عن اللي عنه داري
حاول تقول الذي ماحد قاله ..
.. .. .. .. .. ..وان سبقك اللي سبق حاول تجاري
انتقل بين التفرد والجزاله ..
.. .. .. .. .. ..وانتقال المبدع يكون اختياري
كله يهون لهدف كسب الجماله ..
.. .. .. .. .. ..وأنت ضاري تكسب وصاحبك ضاري

سالم محمد الكعبي