أيها الأبعاديون الانصاف والعدل لكل مبدع هنا إبراهيم قايد خالد نايف والكل

[خلف المهيلان]

، ايه الابعاديين عرف عنكم الا نصاف وكلمة الحق نقاد وشعراء لكل واحد ميزه وبصمه هنا الكل يحتاج إنصاف وكلمة عدل يسأل عنها يوم القيامه نصوص يحتاجون أهلها رايكم بدون اسماء ماهوالنص الاجمل ليكون الاول لوكان بمسابقه وماهوالثاني لو قيمتم كلجنة تحكيم وانتم وظميركم / لاني انا والجميع نعرف نزاهتكم ،وإنصافكم / والكل من اصاحب النصوص اعلاه يريد كلمة الحق وبدون مجامله بالعلم من إن من الشروط إن النص لايتعدى 12 بيت ولا يكون فيه تكرار للابيات والشطرالاول من نص ابيات الاميرخالدالفيصل قصيدة المعاناه مع ودي وغلاي للجميع والزملاء الكرام
/ مغليكم / خلف المهيلان
ـــــــــــــــــــــــــــــــــــــــــــــــ

[poem=font="courier new,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياليل خبرني عن امر المعناة=هي من صميم الذات والا اجنبيه
هي نظرة ٍ معراجها للسموات=اولهفة ٍ بين الحنايا محنيه
هي حلم ماحقق وغطا المسرات=اوهقوة ٍ ضاعة براعي حميه
او خطوة ٍ ضاقت عليها الممرات=اوذنب فرقا ارواح ناس ٍبريه
أعاني الي جاي واعاني اوقات=مرت علي مابين هاذي وذيه
واكتب مراحل كل عمري محطات=واقف على بعض السنين المديه
واقول ليت الوقت يرجع لحظات=واخذ فرح عمر ٍمضى للبقيه
ويحل رب الكون فيه البراكات=وتطغا الحساني والاجر كل سيه
وازن شهوره كلها بالمساوات=ورجع ايام اليال الوفيه
وقبل السراط يمد احسب خطوات=رجلي قبل ياروح نزع المنيه
واحط عمري بين دين ومبرات=وارفع لرب الكون دايم يديه[/poem]
[poem=font="courier new,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ما أنشدك يا ليل هي داخل الذات = ادري بها ضيفه ولا هي خفيه
وان كنت تسمع داخل الجوف ونات =ضيفي غدى منّي وناره لضيه
ماهي بعشرة يوم إلّا اربعينات = علم ٍ قديم يفسّر المهمهيه
ما فات مات ولكن الحي ما مات =سبة عناي الحي والنار حيه
كيف الجفا حق الوفا حق ما فات = دام العمل يجزى ولو كان نيه
تعطيه من روحك ولا تاخذ فتات = ويغيب مع غيرك تناسى العطيه
ياما سهرت لخاطر ٍ بالدفا بات = واعطاني في ظهري طعونه هديه
من شافني تكّت مشاعره عبرات = قام ايتحسبن هالحياة الرديه
من خان ما يلقى رضا الف هيهات = اكبر قهر رجال ؟! .. جحدة خويه
واللي يعاني من ردى الحظ .. ساعات = ياكيف لو اصبح بطيبه ضحيه
يا ليل خبّر دايم السيف بالذات = صار العنا مع جوف نافع سميه[/poem]

[poem=font="courier new,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
(يا ليل خبرني عن أمر المعاناة =هي من صميم الذات ولاّ اجنبيّه
بيتٍ رسخ بالذاكره ضمن الأبيات =للشاعر اللي طرْقته (فيصليّه
وأنا تأمّلت بمعانيه بسكات =ثمٍ تعمـّـقت بفصول القضيّه
وقلت (العنا) جرحٍ من الذات للذات =واللي يعاني علته داخليّه
والآدمي يغريه بُعد الطموحات =لو كان ماله صوبها مقدريّه
يعني : معاناته سببها ملذّات =وطمعة نُفوس .. وغايةٍ دنيويّه
لا مدْ كفّه للزمن قايلٍ : هات =وعيّا زمانه لا يمد العطيّه
كن صابته من جور الأقدار مأساة =وحظه عثر من دون كل البريّه
صدره يضيق .. وتذرف العين عبرات =ويْتوه فكره بين روحه وجيّه
لو قال : ذا تدبير رب السماوات =آمنت به واللي يقدّر عليّه
كان استراح وغمّضت عينه وبات =وما فتّحت عين الهموم الشقيّه
ولو هو رمى ضيقه معَ فايتٍ فات =ما عاش نفس الضيقهْ الأوليّه
يا ابن آدم إقنع .. خير كنز القناعات =إن الحظوظ أقسام حسْنه وسيّه
والوقت لعبه .. والليالي متاهات =والعاقل اتقدّيه بالدرب نيّه
والياس يـِدفَن بالحيا ضمن الأموات =وأكبر خطا .. في دفن الآمال حيّه.[/poem]

[poem=font="courier new,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياليل خبرني عن امـر المعانـات=هي من صميم الـذات ولا اجنبيـه
هي حسة باقصى الضماير وحسرات=هـي مـن دوافـع علـة داخليـه
هي من عنا قلب (ن) همومـه كثيـرات=هي من شقى نفس وحيـاةٍ شقيـه
هي من رضا والاّ زعل بعض الاوقات=وتجـدده سـود الليالـي علـيـه
تحملي الدنيا مشاكـل وعاهـات=واحمل لها صبر وعزيمـه قويـه
لولآ العزايم ما نصينـا المهمـات=ولولا الشدايـد ماقضينـا قضيـه
ولـولآ الطعـام المرم اجـت ملـذات=ولا كـان فرقنـا بـذيـه وذيــه
بقعاء لها فـي روس الابطـال صكـات=تخلف نـوي مجـربٍ عـن نويـه
قاله ولد فيصـل زبـون الونيـات=بأبيات شعر(ن) مـن ضميـره نقيـه
من مصدر الحكمه تجيك الرويـات=من مصدر(ن) موثـوق ياحـي حيـه
وجاراه شعار على النـص بالـذات=على نمـط مكتـوب خالـد وزيـه
وانا مع الشعار عنـدي مجـارات=وختامهـا منـي سـلام وتحـيـه[/poem]