<<<<< الــــــهــــــاجــــــس >>>>>

[محمد السالم]

بيض الله وجه من قدم لنا الدعوة

إلى هذا الصرح الادبي الرائع بكل اعضائه المبدعين الذين نامل ان يكون لنا بينهم شئ من القبول

---

[POEM="font="Simplified Arabic,5,seagreen,normal,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]الهاجس اللي ينقض ماض الاحزاني = يلعب على درفة الخفاق يحييها




يسوق جيشه علي لين يتغشاني = وينوخ الرحل في بابي مثنيها




بصمت له ممضي بإسم وعنواني = وسجعت ونة خفوق كنت مخفيها




سلمت له محزمي سيفي وتيجاني = وعودت اجر الهجيني في تواليها




ودخلت جو جديد وعالم ثاني = جو يهز المحاني من مراكيها




يلين قدهو يهدي ثورة اجناني = يقول يامحمد انحت بك سوانيها




اليوم توك تقدم لي بنصحاني؟ = وين أنت في مامضى ماجيت ترويها




اليوم قدني غريق الغي مداني = وسوالف خافيه وأنت السبب فيها




ركبت لنج الهوى والشوق يحداني = وتاهت بي البوصله معرف مراسيها




بسباب منهو يتابع كل قيفاني = لولاه ماطوع الفكرة وأجاريها




ثقيلة وطيته في كف ميزاني = يعرف غلاته ومنزلته وراعيها




الوجه كنه البدر في ليله الثاني = عنق العنود المذير من مفاليها




والعين عين الوحش في كف طرباني = يوم اجلع الجول ثم فكه يباريها




ياسمر قلبي عليهم سمرة الجاني = مطلوب دم وغريمه من دوانيها




غديت كني يتيم ماله اخواني = يصبر على الخاطئة ماصد راعيها



اخوكم محمد السّالم [/POEM]