يا غزال البر

[محمود النبهاني]

ياغزالِ البرِ لاتّه ,,بين حبات الرمال
حسنك الي دوم شلته ,,ألقى مثله؟ لامحال
لو قوامك يمي ملته ,,,,مالغيره قلبي مال
ويا مشيك في خَطُوتَه,,,ماله بالدنيا مثال

شعرك اللي لا نشلته,,,زادك عذوب ودلال
أو بعينك حد شفته,,,ذاب من ذاك الجمال
نظرتك ستة فستة,,,قانصة حتى الخيال
شوفتك أو بس لفتة,,,تشفي سقمي والعضال

بوحي لجلك صار وقته,,,مهما دمع العين سال
سهمي صادك وانته صدته,,,ليش شدك للرحال
قلبي يشعل وانته منته,,,راضيٍ باللي يقال
كان هايم وانت ردته,,, كان فالي فيك فال

بس عذبته وخنته,,,ما لفى مِنْك الوصال
بعدما حبي قبلته,,, فاتحٍ حقي المجال
وين وعدك واللي قلته؟,,, او هويت الإحتيال؟
أو تبي شيٍ ونلته؟,,, وابتدى وقت الزوال

كل زينٍ فيني شنته ,,, وانت داير للكمال
كيف بعدي اليوم رمته؟,,,صار في شرعك حلال
ذا سؤالي من سألته,,,,ناطرٍ رد السؤال
ياغزالِ البرِ لاتّه ,,, شوف حالي ياغزال