طفل

[بندر الصقر]

البداية ..


ليلةٍ حمرا وشايب

وانتهاكٍ للبراءة ,, مع مباركة القرايب ..و الحبايب

ومرّ تسع شهور ..

والمطلوب .. داية


والنهاية ..

طفل راهق واكتمل عمره ..

وكل اللي ورث . جلباب شايب

وابتسامة ساخرة للوقت لامنّه سأل :

ويش الحكاية ؟!!!

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا صاحبي الحال تعبانة ومندمرة = والحظ من جرف يرمي بي لدحديرة
لا تنكر الحزن في حرفي ولا تشره = يا كثر ما ارمي بنكباتي على الخيرة
وياكثر ماقول همي ينجلي بكرة = وبكرة معيي يجي ملعون ابو صيره
البارحة ليلي اقشر , قمت من قشره! = غمّضت عيني ابي بالنوم تغييره
وبالحلم خايلت طفل يمصّله تمرة = وأمٍ ربت فيه حلم وقامت تديره
يا حزن قلبي من الذكرى ويا صبره = وياقشر حظي بهالدنيا وتعتيره
طموحي اكبر ولا مشكلتي الطفرة = المشكلة لا كفخ قلبي على الديرة
يوم اني اعذب السيكل على الفطرة = وأروح للقدر وأسرق منه تصبيرة
واحط راسي على يدها ولا تكره = والخوف ماهو بقاموسي ولا الحيرة[/poem]

الحكاية ..

لو عقلنا والتفتنا حولنا

كان قلنا ياحبايب

الحكاية ..

ان هذا الطفل .. عُود ..

ضمن حزمة شعب ..تذروه الهبايب..

هذي هي كل الحكاية ..