تعال جمّعني

[داليا العنزي]

مصافحه أولى لقلوبكم
اتمنى أن تنال لو القليل من الرضا

انهمار

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
بعض البشر لاغاب سدوا مكانه=لكن مكان ابوي منهـو يسـده
الموت ماهو لاطرالـي حنانـه=الموت اسمه شق صدري وقده [/poem]

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لــ / الحزن لــ / أخر دموعي لــ / إحتضاراتي= لــ / أحلامي الخرس وايامـي وطموحاتـي
غنيـت وادري ليالـي الـبـرد ماتـرحـم=لـو قدستهـا المنافـي وانكـرت ذاتــي
كـم لـي أهـز الشعـور وأنتظربـوحـي=وكـم لـي أعتّـق ليالـي الحلـم بأبياتـي
البارحة حطـت احزانـي علـى غصونـي=قلـت اسـرج الذاكـرة واجمّـع شتـاتـي
للنـاس واشبـاه نـاسٍ كبـلـت حلـمـي=لـدروب تاخـذنـي بعـكـس اتجاهـاتـي
هـنـا ذكـرتـك (يبه)تـعـال جمّعـني=تـعـال شفـنـي نهايـاتـي.. بدايـاتـي
من يـوم رحـت وسنيـن العمـر مفقـودة=ازرع حنينـي تعـب واسقـيـه دمعـاتـي
تعبـت ادورك فـي وسـط السمـا غيمـة=واقـول يمكـن يجـي ويجيـب راحـاتـي
اليا إمتلى صوتـي المبحـوح مـن ذكـرك=وشلـون ابـقـدر اقــاوم انكسـاراتـي
واليـا غزتنـي طيوفـك كيـف ابتحـمـل=وأنـا بمـحـراب حـزنـي وابتهـالاتـي؟
غنيتـهـا للشـقـا والـبـرد واحـزانـي=واحلامـي الخـرس وايامـي وطموحاتـي
[/poem]

اندثار

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
احس فيني سحابة بـس ماتمطـر=واحس هالكون في عيني ثقب ابرة
للحين جرح الليالي مابرى/ يقطـر=مبطي وهالحزن فيني مانشف حبره [/poem]