دخيلك بِلّ ريقي قبل أموت من الْوَلَهْ ظا مي

[عبدالله سماح المجلاد]

عندما يناديك هاجس الشعر فلاتملك سوى الإستجابة له مرغماً ولقلوبكم هذا النص المتواضع وأهداء لقلب أستاذي قايد الحربي والكبير خالد الحربي والقدير نواف التركي ولكل أبعادي
[poem=font="traditional arabic,7,black,normal,normal" bkcolor="white" bkimage="" border="none,4," type=2 line=0 align=center use=ex num="0,black""]
حبيبي:ياحبيبي:غاب هملول الوصل وَاجْدَبْت=دخيلك بِلّ ريقي قبل أموت من الْوَلَهْ ظامي
وآنا اللَي يوم دِيْمَكْ يمطر ارضي مِنْ كِثِرْ مااعْشَبْت=تِكَاثَرْت الربيع بواقعي وأهديت لاحلامي
وفجأه غبت:غبت وبالغياب المستفيض أسهبت=وأنا أتخيّل سحابك كل يوم يمرّ قدامي
وأَبَشِّرّ فيك قطعان المشاعر كلّ ماقرّبت =على رَجَوى رذاذٍ من غمامك يِسْقِي هيامي
وأعزي فيك نفسي لاَ عَرَفْت انّك رحلت وغبت=وبِدَى وجه الحقيقة وأضحكت لي كذبة أوهامي
صبرت وطال صبري وانت توعدني بيوم السبت=وكمّ مِنْ سبت راح وما لِقِيْتِك داخل أيامي
صحيح الصبر طيّب:بس آنا من عِلِّتِي مَاطِبْت=صُبَرْت وماجنيت إلاّ الأسى من نخلة ألامي
أنا ضعت أفْـ(غيابك) وأندمرت ورغم ذا ماتبت=مِشَيْتَكْ درب وان طال السفر مَامَلّت أقدامي
أَعَرْف انَك خَطَايْ وذنبي الخالد :وأقول أذنبت=ولا دوّرت توبة يا غلاي ومصدر الهامي
تِعِبْْت أذرف لك دموعي قصايد يالغلا وأتْعَبْت=خدود أوراقي اللي غَرِّقَتْها د يمة أقلامي
وآنا مابين سندان الجفاف ومطرقة هالكبت=زَهَدْت بكل حاجه والمواجع تنخر عظامي
بلاي أنّي أحبك:كِثرْ مافي غِيْبِتَكْ عَذّبت=عيونٍ من غرامك كل ليله دمعها زامي
أحبك كثر كُرْهِي للفراق وكثُرْ مَاغَيَّّبْت =عن الوعي بغيابك ياسبا يب جرحي الدامي
أحبّك:وابقى احبّك واستمرّ اهواك لو سَبّبْت=جيوش من المواجع عَسْكَرَتْ:خلفي وقدّامي
حَسَبْت لكلّ شيء (إلاّ الُفُراق أصْدَقْك) ماَحَسَّبْت=ولاَ فَكّرت فيه: وثَارَتْ البندق على الرامي[/poem]