من الأرشيف
[POEM="font="Simplified Arabic,4,black,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""] بين الرجا والياس كم ينتظر حي = وقته يضيع ويقضي الليل سهران
هذا الأمل والشوف عله لمح ضي = مثل السراب ويتبعه كل عطشان
ومثلي يدور في شتات الفلا في = يتعب خطاه ولا لقابه ولا بان
الا التعب والهم والثالث الكي =والرابع الحظ الردي يوم هو شان
بدل ملامح وجهي اللي غدت زي = كهلِ وجد في فيضة العشق نكران
الشي في باقي ثباتي ولا شي = إنسان وادري يعلم الله أنسان
جدفت بالزورق على ضفة المي = بشرهة خفوقِ للتباشير شفقان
مالي جدا بتبديل مساكن الحي = مليت ياوردِ نمى وسط بستان
الغي بصدور الخلايق هو الغي = والحالم اللي ما ظفر نام زعلان
لكن طلبتك لا طلبتك أبد عي = قلي ترى في طلبتك أنت غلطان
بعده فلا ليبك ولو كنت من طي = وش لي بخربِ والسلايل كحيلان
يالي يابعض المواعيد يالي = زفير همه يشبع الصدر دخان
يكفي وانا بطلت من يابعد حي = الخاتمه قلت ولاني بسهران
[/POEM]
تقبلوا فائق تحياتي