ياليت ربي ماخلق حب وفراق ...!!

[أحمد بن عميره]

السلام عليكم
مساء ,,,صباح الخير

كل عام وانتم بخير
نعتذر عن الغياب
علها تشفع عني لكم

(ياليت ربي ماخلق حب وفراق)

الهجر كاسه مر والحظ سواق

...............................أشوف فيه السم مير الظما شين

شربت كاره بالزمن طوع الارزاق

..............................مومن برزقي وأنتظر والصبر زين

ياليت ربي ماخلق حب وفراق

..............................غنيتها بالعيد والناس فرحين

شطرٍ سمعته لسديري على أق

............................لامن ذكرته ذكر القلب غالين

ولامن ذكرت اللي له القلب يشتاق

..............................ويش راس مالي غير دمعه وبيتين

واجرحي اللي ساكنٍ وسط الاعماق

................................هديةٍ من كـف غالي بسـكين

تعال شوف الدمع وسم بالاحداق

..............................ليتك تشوف اللي جرى ياريش العين

ليتك تشوف الدمع وشلون ينساق

.................................من محجر اللي عذبته الطواعين

من غيبة الأشفاق لوقت الاشراق

.................................أسهر أعد النجم والناس غافين

ياوقت أنا واقف بعزه على ساق

...................................لو اليسار بخمسها تصفق يمين







أحمد العطاوي