[poem="font="simplified arabic,5,black,bold,normal" bkcolor="transparent" bkimage="" border="none,5,gray" type=1 line=0 align=center use=ex num="0,black""]للصد... والحرمان... والهجر ساحه=يلعبها اللاعب بصوت الجماهير
وعن فاصل الشوطين فيه استراحه=وعند الحكم تظهر جميع التقارير
وما طار طير إلا بقوة جناحه=لولا الجناح الطير ما يقدر يطير
والمركز الأول خذينا وشاحه=بالجاه وإلا في خشوم الدنانير
والناجح... اللي يوم يثبت نجاحه=سجل عليه ليا حصل منه تقصير
ودام الضمير الحي جاه ارتياحه=ما للصقر شرهات عند العصافير
الحر... في صبره يضمد جراحه=واللي يبيه الله على عبده يصير
وعندي خبر ما كل حاجه مباحه=غصب (ن) على حتى الرجال المشاهير
والعمر رحله... والمشاعر سياحه=وما في رحله ما وراها مخاسير
وللعقل بالميزان وزن ورجاحه=والذاكرة... ما تختصرها المشاوير[/poem]