السلام عليكم ~
مساء الشعـر ..}
قصيده جديده أتمنى أن ترتقى إلى ذآئقتكم الشعريه ..
[poem="font="arial,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]كاس القصايد كاس يغنيك عن كاس =لا هو حرام وخمر كاسه حلالي
تهيم به وادي عفر يقطع انفـــــاس =تطول به نايف بعيد المنالي
جوّه هيام لا جفوك اقــــرب النــــاس =ابهرّه فكره وتروى الدِّلالي
اصب دم القلب بسطـــور قــرطـــاس =وتحيي جمود اقلام سبكة خيالي
شاعر يعيش افراح وهــموم واتعاس =وليا ارتكا للحمل شال الثقالي
يعزّ نفسه عن مهابيل و انــجـــــاس =لو عاش ميّت جوع والراس عالي
له في ذرا القمه مواطي و مجــلاس =يفخر بها راسي ومن في مجالي
ان مرّته ذكرى هوا ريــم الاطــعــاس =ياقف لها حشمه لبنت الدلالي
راحت وخلتني على حــد ّ الافــــلاس =اشرب ضما غدر الزمن والليالي
غرورها الطاغي غدا للحشــا فـــاس =قطعت به عروق الوفا والوصالي
من عقب راحت صرت للحزن نبراس =ما يشبع افراحي عسا للزوالي
تعبت من حلّ اسئله كلّهــــآ اقـــواس =والاجوبه تعبت تكرر سؤالي
تجهلك ناس ويفهمك اقرب احساس =وتعيش بغربه ليش ؟! لانك مثالي
الصدق غـاب و للطـهر الف لا باس =وللمنطق الراقي غروب امتعــآلي
ودام القصايد كاسهـا يقعـــد الراس =بتكون سيف احدب صقيل النصالي[/poem]
~~
|| وسلامتكم || ..