هذي أخطائي

[حسين السبيعي]

أيها الأبعاديون والأبعاديات

صباحكم/مساؤكم خير ، وشعر ، وعطر ، وحب
يسرني أيها الأحبة أن أصافح أعينكم وقلوبكم بهذه المتواضعة ، راجيا أن ترتـقي إلى مستوى ذوائـقكم الأدبية الراقية ، وأن تنال بعض الرضا والإستحسان.

هذي أخطائي

[poem="font="simplified arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أنا الغلطان ، أنا المخطي ، أنا اللي كل شيٍ شين=صدر مني ، وأنا اللي عيوب خلق الله من أسبابي
خطاي إني تحملت ، ونسيت الشين لأجل الزين=خطاي إني جعلتك يا حبيبي أقرب أقرابي
خطاي إني أنا أكرمت المدينة لأجل ذيك العين=خطاي إني على شانك أزعّل أهلي وأصحابي
خطاي إني أحبك يا حبيبي في القسا واللين=خطاي إني بحبك ما استمعت لمن تهزابي
خطاي إني جعلت القلب لك مسكن به تعيشين=خطاي إني وضعتك بين جفن العين وأهدابي
خطاي إني عطيتك يا الحبيبة كل ما تبغين=خطاي إني تنازلت ، ورضيت بلحظة إغضابي
خطاي إني تبعتك في الطريق ، وقلت لك: من وين=تبي تمشي ، أبي امشي مع طريقك لو تلوّى بي
خطاي إني معك واضح وضوح الشمس في الحالين=خطاي إني معك صادق ، ولكن الأمل خابي
(( خطاي إني وفيت ، ولا عرفت ألعب على الحبلين ))=خطاي إن نيتي لون البياض اللي كسا ثيابي
خطاي إني صبرت إلك ، وتحملتك إبي تحسّين=خطاي إني رضيت المرّ ، وعيّا المرّ يرضى بي
خطاي إني كتبت بقصة أهل الحب: مجنونين=الأول: قيس ، والثاني: أنا ، وأثرك تسلاّ بي[/poem]

حسين السبيعي