( أفتراض ) :

[عبدالعزيز محمد المالكي]

بناءً على نداءات بعض الأصوات بأن تكون هذه الحمامة الوديعة هنا ./ لـِ يمنحوها الأغصان
كان لها حق البحث عن عش ./ ودفء .

وإن جف صوتـي ..
يعنـي لو فعلاً فرضنا ./ وجف صوتـي .!
وش بقـى لك تسمعين ؟!
بـِ أي طعم تكون أحبك ؟!
إن بغيت أوقظ سكوتـي ..
وأتنفس في خيالك ...... ( حيل صوتـي ) .!
وقلت : " أأأأأح "
قلتـي : " ـبك "
وأرتِبكت أكثر ، ولا صحصح سكوتـي ..

ما تموتـي ؟!
لو نده غيري .. لغيرك صدفه اسمك ..
وألتفتي ..
وما هو صوتي ..
ولا حديث الصُبح في بهو الظلام ..
ولا سنونو ..
طيّرته الريح حلّق ./ والسلام .!
- وأنتِ تبغينـي أنام ؟!
- إيه نام ..
- طيب وصوتي ؟!
- يا حبيبي ما به شي ، يـ الله نام ..
- لا ما أبـي والله أنام ./ أنتِ نامي ..
- حتـى أنا ما رح أنام ، وأترك ./ أحلامي معاك ..
- من يغنـي لي إذا جاني الغمام .. ولا لقاك ؟!
- ما لقانـي ؟!
- إلا لقاني ./ مره في غيابك ، وجاك .!
- طيب خلاص ..
أنفخي فـ صدري ..
وطفـي لي عيونـي ، وأسدلي الليلة وراك ..

جدة
14 / 06 / 2009 م ،