[POEM="font="Simplified Arabic,5,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]الصاحب اللي يثيـر الغـرب تشريقـه=والشمس لو هي تعذر .. عذرها واهي
يطري غصيبه على القلـب وطواريقـه=وان قال وين القصيده قلت له .. كاهي
هو ملهم الفكـر هـو كيفـه وترويقـه=صار لجنون القصيد .. الامـر الناهـي
امـوت فـي غيرتـه واحـب تدقيقـه=واشاغب شوي لاحسيت بـه .. لاهـي
واسكت وكل الكـلام احيـان مااطيقـه=لامن تقاسم معـاي ( بيالـه الشاهـي )
ياطب قلب العنـا .. لا ياعسـل ريقـه=ماظني الحال تبقى لـك علـى ماهـي
يا اقرب من القرب بين الصدر والضيقه=يا ابعد من الضحك يوم اقفى عن شفاهي
دوك القصيده .. وقلبي .. مع طواريقه=وان كان قصدك تباهي .. روحي اتباهي [/POEM]