السلام عليكم ورحمة الله وبركاته
صباح الخير || مساء الخير
نص قديم ولكن لا يزال قريب من نفسي ولا اعلم ما هو السبب !!
/
\
/
\
ركز معي بالهـرج وأفتـح أذانيـك
ـــ خل التغلي خـل عنـك القطاعـه
عيب(ن) عليك تبيع من كان شاريك
ـــ كنك تبيع وتشتـري فـي بضاعـه
الصـد والهجـران و إلا تغلـيـك
ـــ ماتنفعك لا صـار عنـدي مناعـه
وش جاك مني غيـر أمـر و لبيـك
ـــ تامر أمـر وأقـول سمعـن وطاعـه
يعني لاني صـرت مقـدر أخليـك
ـــ وإلا لأن الوقـت هـاذي طباعـه
اللي تحبه صار مـا يلتفـت فيـك
ـــ واللي تبي فرقـاه ماغـاب ساعـه
وأخر عتابي بالشعر بيـت يعنيـك
ـــ أو بالاصح أقـول عنـدي قناعـه
يا صاحبي لاصار صاحبك يغليـك
ـــ غلطان لو فكـرت تلـوي ذراعـه
محمد بن شتير