انا الليّ قَرِيْتَك ياكتـاب الغـلا المفتـوح

[عبدالله سماح المجلاد]

أستاذي قايد الحربي :لازال سعد سيف يطاردني ولايعترف بأن الشاعر قد يصيبه الجفاف فالمطر لايأتي دائماً أيها المطر
[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مادام الورق له صدر واسع يضمّ البـوح=أبهدي عيونك بـوح روحٍ معـك ذابـت
انا الليّ قَرِيْتَك يا كتـاب الغـلا المفتـوح=ولك صورةٍ من محجر العيـن ماغابـت
حبيبي وانا فـي غَيْبِتَـك بلبـلٍ مذبـوح=مُعَلَّقْ على اغصان الرجا اللي معك خابت
تصافقني اقداري وانا مرهـق ومطـروح=وعيوني عليك من السهر يالغـلا شابـت
مسا الحب:يا مُسْتوْطِنَهْ بالنظروالروح=ومسا كُل نبضة:عرق بغيابـك ارتابـت
ومسا كل دمعه :من عيونٍ تحـب النـوح=وعليك انت كم ودّت مدامع :وكم جابت
ومسا كل طعنه:في خفوقٍ تشوحه شـوح=يدين الزمن وطعونك الخُضُر ماطابـت
سقى الله زمانٍ كان به فرفشـه ومـزوح=وَ لاَ كان شوك الْبُعد في تُرْبَتِـيْ نَابْـتْ
زمان الوصل يومك تجـي يالغلا وتروح=وانا المذنب وروحي من الذنب ماتابـت
قبل ما تهلّ عيونك الوابل المسفـوح=وانا دمعتي من محجر عيونـي انسابـت
قبل سالفة فرقى بها جـارح ومجـروح=رمى الوقت رمح ورَمْيِتَهْ بالصدر صابت
حبيبي إذا ناوي على ذ بحتي مسموح=أنا نفسي اصلاً من بقايا العمرطابت
ورب العيون السـود يالجـادل المملـوح=ذبحني غيابـك والغـلا بالحشـا ثابـت[/poem]