::نفث ُ][ حلم ْ ..!

[محمد الغشام]

السلام عليكم ورحمة الله وبركاته


أسعدني جدأ القاء القصيده الشاعر حمد العيد ..فالشكر لايوفي حقه ..!

http://www.hamed-aleed.com/alaslemy.mp3

...........


تمرد خافقي الليله علـى شانـه يبـي يرتـاح
أبنفث باقي أحلامـي واسافـر ليـن يلقانـي

وأنا حلمي مع أحلامي أسافر وأرتحل وأرتـاح
ابدخل في مداخيله وأعالـج جرحـي الجانـي

قصيده تبتدي بكره وانا فينـي شعـوري لاح
معه سافرت عند اول طريق ٍ يجبـر احزانـي

تواعدنا على شاطىء بصدق شعور دون أمزاح
وتواعدنا على كلمه تطيّب خاطري 00 العاني

حضرنا بنشوة الموعد وباب الشوق له مفتـاح
نبي نفتح معه صفحة نعيش بصدق وأشجانـي

سلام الله ع وجه الحسن والخديـن كالتفـاح
وحتى الموج من زينك تصافق جاه ما جانـي

يبي لمحه من عيونك يضم لموجتـه لا صـاح
زفير الموج من شانك رفع صوته بالألحانـي

تصافق موجك وموجه يبي من يدخلـة سّبـاح
يبي من يسكنه ساكن بوسط أحلامـه البانـي

وأنا هالحين يا حلمي نويت أرحل وأبي أرتاح
أبنفث باقـي أحلامـي وأدوّر حلمـي الثانـي

محمد الغشام الأسلمي