السلام عليكم و رحمة الله و بركاته
[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]فضفضي لي دامها عيونك اتهل الدموع=وش حصل مني خطا يجرح القلب و يثيره
ما قصدت الجرح لكن ظروفٍ ما تطوع=سبـّبت كبوة جوادٍ تعثـّر عن مسيره
جيت لك كلي أسف و الندم شلّ الضلوع=منكسر من غلطتي و السبب حاسب ضميره
اسمحي لي بعتذر يا عسى عذري قنوع=آسـف اني قد جرحتك بلا ذنبٍ و جيره
قلبك ابيض و النوايا على حسب الطبوع=و انتي الطيب بـْصفاتك ملا الدنيا بغديره
والله انك من زعلتي وانا حالي تلوع=مالي أي قيمه بدونك و لا عيـّنت خيره
الظفر ما يطلع مـْن اللحم و ان هو جزوع=وان تحايله الجفا يرجع لأصله و مصيره
والشجر لو يبـْست اوراقه بكل الفروع=تبقى جـْذوره سند للحياة من الكسيره
من يعيد الغلطه وْ لا استفاد من الوقوع=كيف يبري الشق لا صارت الرقعه صغيره
ما بغيت اوقف انا و الزمن ضدك ربوع=لكن اللي صار غلطه عواقبها كبيره
شفت عبرات الجفن يوم بلـّله الدموع=وردةٍ تبكي قهر و الجروح تـْزيد غيره
هالشهر ما به بدر و القمر عاف الطلوع=يوم شفت هـْلال عمري عليّ أعلن هجيره
هل دمعي يعتذر لك و انا كلي خضوع=من زعلتي و الصدر فاقدٍ فالعش طيره
استباح الضيق وجدان قلبٍ بك يلوع=الليال السود تختال و عـْيوني سهيره
ودي اسعى لجل وصلك بلا ادني رجوع=وان لمست الغيم لازلت يـْديني قصيره
واستند بأوتار قلبٍ بني بين الضلوع=قصر عشق ٍ لو هدمته اضيع بـْدون ديره[/poem]