تكفين

[سلطان المضعان]

راعي ضميرك ياغلا وارحميني
لاتتعبيني فوق ماانا بتعبان.


كلٍ تخلى وش بقى في يديني
ماباقي إلا هموم قلبي والأحزان.


تكفين ثم تكفين لاتتركيني
من قبل اعرفك ماشعرت إني إنسان
.

تكفين ثم تكفين لاتحرميني
منك تراني ميتٍ دون حرمان.


تكفين ثم تكفين لاتخذليني
ماأبي أعيش الخوف من بعد الآمان
.

سلمت لك مفتاح قلبي بيميني
وأسعى لرضاك وقربك بقدر الإمكان.


قلتي لي قلبك صار ملك لإيديني
ياللي ملكتي كل شيءٍ بسلطان.


أنا أحبك حب يانور عيني
حبٍ كبيرٍ يذهل الأنس والجان.


انسى معاك هموم قلبي وسنيني
وأرتاح أنا وياك لو كنت طفشان.


لو غبت لحظة ردني لك حنيني
أشتاقلك دايم لك القلب ولهان.


عل وعسى بعد العطاء تسعديني
وأعيش في حبك مدى العمر فرحان.


مهما حصل تكفين لاتتركيني
لاينصدم قلبي بصدٍ وهجران.


لاصرت أهذري فيك لاتؤاخذيني
كلمة أحبك خلت القلب سكران.