● القصيدة: إحدى هواجسي .
●● الموقف: لي أو لغيري أو مفترض / من ارشيف تقليدي .
●●● رحلة انتظــار... لمن كان بانتظــار رحلة .
[poem=font="simplified arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يــاضيقتي لاحنّـت الشمس لغْروب= كنّـي على خوف ٍ مودّع نهاري
قلبي يصير لْموحش الحزن مطلوب = يستوطنه في مبهمات الغداري
لولاك ياطيف ٍ من آعز محبوب = ما هيضتْـني للقصيد الـمساري
يامن عليك استوحش بْـلاد وشْعوب=كني غريب الدار وانا بـداري
من قبل أجي.. وانا على زحمة ادروب = كانت تلوح لجيّـتي لك مواري
قررت اجيك وغالب الحب مغلوب = بين التسرع والتراجع قراري
ماجيت افرّق شمل واحطّم اقلوب =ماهو بطبع ٍ لي وانا أدرااا وأداري
ماجيت لك غاصب ولاني بمغصوب = عاشق وكانت جيتي باختياري
اغرقتني بك صمت واحساس واسلوب =ذابت تفاصيلي وجفّ اختصاري
قلبي متى عن رحلة الهاجس ايتوب ؟ = لاحلّ في ليل العنا منك طاري
متى ركام الشمع بوْصالك ايذوب؟ = كم اشعله شوقي و نار انتظاري
على الامل لو كان بالياس مصحوب = يوم احتريك .. ولا لوصلك محاري
وان كنت في دنياك ماني ْبمحسوب..! = اقدم لقلبي جزيل اعتذاري[/poem]
مع جزيل تحياتي
●●●