مــــــــــــــــيــــّـــــاســــــــــه

[حاكم مشعل المعلا]

عـذرا للغياب ... وأقـدم لكم قصيدتي التي شاركت بها..( كامله)


[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]رفيعة ذوق .. قمة لاتغريّف بك . هبوب النود=ومثلك لاحضر حفل ٍ ردم ناسه .. على ناسه
ينادونك .. كأنك ماجرحتي عيب . أو منقود=يامياسه .. على من هو تماديتي .. يامياسه
على اللي مايصدق راح همه يوم.. حتى يعود=تجين انتي تحدينه .. على حبره وقرطاسه
صحيح انك كريمة جرح وإلا الفود .. مامن فود=تناسى لوعة احبابه .. لقاك اسباب هوجاسه
ياليت الجود بالشاعر إليا غنا من الماجود=وانا ماني بخيل إلسان فيك .. وحضرتك ماسه
كفا ..قدك تمادى بالتثني .. واستباح الزود=أعرف العود.. والمنبع .. عروق الزين دساسه
نعم .. ياحسنها الفتان .. أعرف إنك.. عريب جدود=واعرف (الشي)مهما كان..لامن جاد . من ساسه
واعرفك .. لاتعطربك عبير الورد .. غار العود=تلثم بك ذعاذيع الشمال .. يغار نسناسه
وأنا شاعر هبوبي صلف .. مايلجم إلساني .. كود=مضاليل الجفون اللي شكا منها القوي باسه
عيون وساع .. لا سلهم أشوفه شعل .. لا..لا .. سود=عجزت القى عليها وصف.. خدرانات نعّاسه
هدبها لا تنهّض .. ثم عـــــــدّى حده .. المعــهود=أسميها .. (علاقة موت) بين الرمش واقواسه
ولا والله ذبحني غير عتمة ليلها ... المرجود=على صدراً قدر يجمع .. بياض القطن واجراسه
تركت. السيف .. والدم المرتّب.. من فدايا ورود=يهدد لونها الباقي .. بياض خدود حساسه
وجيت .. أنصحك .. والأحباب مثل الملح .. والبارود=إليا هامت جنون .. وكان خان الليل .. حراسه
يابعض الناس .. ياخذها حيات وموت .. والمقصود=يشيلك .. من حنان القلب .. حطك ثار في راسه [/poem]